“J-ART” сурет салу конкурсының қатысушыларымен өткізілген тимбилдинг

“J-ART” сурет салу конкурсының қатысушыларымен өткізілген тимбилдинг

12-қазан ,сағат 15:00-де Д.А.Қонаев атындағы мемориялды музейі және музей үйінде Алматы қаласы Жастар саясаты басқармасының қолдауымен,  «Жастар Рухы» қоғамдық қоры ұйымдастыруымен«ALMATY LEADERS» жобасы аясында“J-ART” сурет салу конкурсы қатысушыларымен шығармашылық байланыс орнату мақсатында ерекше тимбилдинг шарасы өткізілді. Бұл іс-шара талантты суретшілердің өзара тәжірибе алмасып, шабыттануына жағдай жасауға және командада жұмыс істеу дағдыларын жетілдіруге бағытталды.

Тимбилдингтің басты мақсаты – шығармашылық бірлік пен серіктестік атмосферасын қалыптастыру. Конкурсқа қатысушылар бір-бірімен жақынырақ танысып, ортақ идеялар мен шабыт көздерін талқылау мүмкіндігіне ие болды.

Тимбилдинг барысында қатысушыларға қызықты және интерактивті іс-шаралар ұсынылды, оның ішінде:

• Танысу тренингі: Қатысушылар өздері туралы қысқаша мәлімет беріп, шығармашылық жолындағы қызықты оқиғаларымен бөлісті.
• Командалық ойындар: Қатысушылар арасындағы байланысты нығайтуға арналған қызықты ойындар ұйымдастырылды.

Тимбилдингтің нәтижесінде қатысушылар арасындағы қарым-қатынас жақсарып, шығармашылық ынтымақтастықтың жаңа мүмкіндіктері ашылды. Бұл іс-шара олардың жеке және кәсіби дамуына оң әсер етті.

“J-ART” конкурсының ұйымдастырушылары болашақта осындай шараларды дәстүрлі түрде өткізуді жоспарлап отыр. Қатысушылардың шабыт пен жаңа идеяларға толы әсерлері бұл бастаманың маңыздылығын дәлелдеді.

Қосымша ақпарат:

+7 (708) 340-82-65-(Байғабыл Рауан)

Біздің INSTAGRAM парақшамыз:

@almaty_leaders

Шығармашылықты бірге дамытайық!