Көлік жөндеу шебері: Шеберлік сайысы

Ақтөбе қаласы

Ақтөбе Жоғары политехникалық колледжі

07161300 «Автомобиль көлігіне техникалық қызмет көрсету, диагостикалау және жөндеу» мамандығының арнайы пәндер оқытушысы: Таханова Айнур Абдильмажитовна, Есмұқан Алмат Сырымұлы

Көлік жөндеу шебері: Шеберлік сайысы

Колледжіміздің 60 жылдық мерейтойына орай  «Алға жылжу: 60 жылдық даму және технология» атты «Автомобиль ісі» бірлестігінің апталығы аясында 2 курс білім алушылары арасында «Көлік жөндеу шебері» шеберлік сайысы өтті.

Автокөлік жөндеу саласы – жоғары кәсіби біліктілікті талап ететін сала. Қазіргі таңда көлік иелері сапалы әрі сенімді жөндеу қызметін іздейді, ал шеберлер өз дағдыларын жетілдіруге ұмтылады. Осы мақсатта түрлі жарыстар мен сайыстар ұйымдастырылады. Солардың бірі – «Көлікті жөндеу шебері» сайысы.

Сайыстың басты мақсаты – үздік автожөндеу шеберлерін анықтау, олардың кәсіби деңгейін арттыру және тәжірибе алмасуға мүмкіндік беру. Сонымен қатар, бұл сайыс жас мамандарға өз мүмкіндіктерін көрсетуге және шеберліктерін шыңдауға жағдай жасайды.

Сайыс бірнеше кезеңнен тұрды:

1. Теориялық сынақ – Қатысушыларға көлік жөндеудің негізгі қағидалары бойынша тест тапсырмалары беріледі. Бұл кезеңде олардың техникалық білім деңгейі тексеріледі.
2. Диагностикалық кезең – Қатысушыларға ақауы бар көлік ұсынылып, олар берілген уақыт ішінде мәселені анықтауы тиіс.
3. Жөндеу жұмыстары – Белгіленген тапсырмаға сәйкес көліктің белгілі бір ақауын жөндеу қажет болады. Бұл кезеңде шеберлердің тәжірибесі, жылдамдығы және сапасы бағаланады.
4. Қорытынды бағалау – Әділқазылар алқасы қатысушылардың жұмыс сапасын, құрал-жабдықтарды дұрыс пайдалануын және қауіпсіздік ережелерін сақтауын бағалайды.

Сайысқа «Автомобиль көлігіне техникалық қызмет көрсету, жөндеу және пайдалану» мамандығының білім алушылары қатысты. Және сайыс қорытындысы бойынша жеңімпаздар марапатталды. «Үздік көлік жөндеу шебері» дипломы және құнды сыйлықтар марапатталды.

Мұндай сайыстардың арқасында автожөндеу саласы дамып, білікті мамандардың саны артады. Бұл тек көлік иелері үшін ғана емес, жалпы қоғам үшін де үлкен маңызға ие. Қатысушылар өз білімдері мен шеберліктерін сынап қана қоймай, жаңа технологиялармен танысып, тәжірибе алмасуға мүмкіндік алады.

Қорытынды «Көлікті жөндеу шебері» сайысы – шынайы кәсіпқойлар үшін таптырмас мүмкіндік. Бұл шара кәсіби дағдыларды шыңдап, жаңа белестерді бағындыруға жол ашады. Келешекте мұндай сайыстардың жиі өткізіліп, автожөндеу саласының дамуына үлес қосатыны сөзсіз.